Retour à la page d'accueil
Vous ne trouver pas la reponse? Demander
Publier un Article
Publiez vos articles et ainsi vous atteindrez des milliers de lecteurs.
Publier
■ Bienvenue Invité, Connexion
■ Login with 
Categorie : Lieux » Afrique » Tunisie | Posté par : Anon | Posté le : 28/07/2011 | Mis à jours le : 28/07/2011
Mots-clés :
1 وين ماشية بلادنا
السلام عليكم



وقتلي تصعب الأمور نقولو إنشاء لله خير. وكان نزيدو خطوة القدام و نخممٌو كيفاش انجمٌو نشاركو في ردان هذا المستقبل خير لينا و لأولادنا

أحنا شبابنا ضحٌى بشهداء الله يرحمهم باش يطٌيح بن علي و هرب هو و جزء من المافيا متاعو

وهكة رجعتلنا كرمتنا, كيفاش ؟

يقول القائل, كنا ما انجموش ننتقدو و ولينا هذاك اشنعملو كل يوم

كنا ما انجموش نعتصمو و هذاك أش ولينا نعملو نهار نهارين

كانت تلافزنا و راديواتنا و جرائدنا, إذا مش لاهين بالكورة يحطولنا فيلم مصري و لٌى مكسيكي

وإذا حكاولنا عال السياسة, يحكيولنا اش صار في فلسطين و العراق

وإذا حكاو على تونس, راهي أمور بسيطة هذا إذا مش قفة للديكتاتور

توا مشاء الله الحوارات بكثرة في التلفزة و الراديوات و الجرايد حتى من شبابنا فد من السياسة

و بدأت تتعقد الأمور و ولآت ماعادش واضحة و بعيدة ياسر على المشاغل اللي عمل عليها الشباب الثورة

تبقى يلزمنا نفيقو على رواحنا و نحسٌوا شبابنا و نساءنا و رجالنا اللي توا كي رجعتلنا كرامتنا, لازمنا نظٌهرو للعالم كلو اللي أحنا انجمو نوصلو لجمهورية ثانية ديمقراطية

وكيما ايام 16,15 و 17 جانفي كنا متضامنين في المظاهرات و في العسٌة على جيراننا, اليوم لازمنا ناكدو وعينا و قوتنا و نمشيو نقيدو في قائمات الانتخابات ونقنعو و نشجعو غيرنا باش يقيد

كل يوم, يلزم كل واحد منا, يجيب 50 من الأقارب و الأحباب و احكيو في الدار, في الحومة, في الخدمة, في الجوامع, في القهاوي, في الشط, الخ

يوم 2 أوت, وقتلي نعرفو اللي فما ملاين قيدو, وقتها نكملو اللي بديناه و نمشيو ننتخبو

نهار 23 أكتوبر, هو أول نهار في تونس الجديدة, و الشئ هذا الكل هو مسؤليتنا


انشاء لله المعلومة وصلت و ننجحو كيما يلزم في وعي المواطنين بأهمية مرحلة التسجيل هاذي و الجمعة الجاية نحكيلكم كيفاش نرئ الخريطة السياسية في البلاد

Par Yassine Brahim / ياسين براهيم
Poster un Commentaire
Commentez en tant qu'invité ou ( Vous connecter / Créer un compte )
Nom complet : e-mail :  * ne sera pas affichée
Recopier le texte de l'image
Ajouter votre commentaire

Autre langues : Verkus in English English, Verkus en Français Français. Conditions d'utilisation | Données personnelles | Aide © Verkus 2008-2010, Tous droits réservés.